我們的堅持 5 ：110米跨欄運動員 Rico 張紹衡

Rico 張紹衡，110米跨欄運動員，香港田徑代表隊成員，香港大學地理系三年級學生，同時亦是一名兼職模特兒。Rico 曾連續三度打破香港U20 110米欄青年紀錄，並成為首位跑入 U20 世錦賽決賽的運動員，創下香港田徑界的歷史。這名身高1.87米，甚有天份的田徑運動員，原來亦經歷過低潮期，並曾一度懷疑自己應否繼續全職運動員的路。到了今天，Rico 體會到堅持快樂 ，享受自己愛做的事，比輸贏更加重要。

‍

Rico 在小學時最初接觸的是跳遠項目，在升中時，方首次接觸跨欄。相比起來，Rico 覺得跨欄比跳遠更刺激和更具挑戰性：「我開頭好享受跳遠時在空中飛的感覺，好似好自由咁；跨欄都帶到畀同樣嘅飛翔嘅感覺；但係相比起來，110米欄的比賽係一次過幾個運動員一齊比併，贏輸都係分秒之間，亦只有一次機會，對於我嚟講，呢種同其他人嘅比併同節奏帶比我更大嘅挑戰同刺激感。」Rico 早在二十歲前已為香港田徑界寫下歷史，但他的田徑路並非想像中平坦，他曾形容自己為「由細輸到大」：「其實我由中學開始，唔係一直都係比賽到拎到冠軍，反而成日都入唔到決賽甚至係複賽，不停咁輸，但係對我嚟講，每次嘅比賽輸贏未必係咁重要，反而點樣堅持落去，不停咁進步、提升，贏咗以前嘅自己先可以不停咁突破。」對於Rico 而言，一場比賽只有第一名才是「贏家」，但第二名以後的雖然輸了比賽，但有否贏了過去的自己更為重要，這信念令 Rico 在八九年間不斷進步，不經不覺過接近、以至超越過去贏過自己的對手，站在頒獎台的最高點。

2021 年是Rico 作為職業運動員的轉捩點，他在世界U20 田徑錦標賽初賽、複賽及決賽中三度打破香港 U20 110米欄的紀錄，並成為首名香港運動員打入U20 世錦賽決賽，與其他世界級運動員同場較技，當中包括 Rico 的偶像法國選手 Sasha Zhoya 。「我覺得佢超型，跑得又快，所以我個陣可以同佢一齊比賽好開心，仲可以同佢一齊合照打卡。」創下香港的田徑歷史，令Rico 一時間成為田徑界的新星，媒體的焦點，Rico 亦決定自己走上全職運動員的路。他透過香港大學的精英運動員計劃，入讀港大的地理學系，在學業與運動員間雙線發展：「計劃由港大同體院合作，可以畀我更有自由同靈活咁安排時間，例如本來我四年嘅課程，可以根據我嘅賽程同訓練攤長到六年甚至八年完成，配合到我每個月達 100 個鐘嘅訓練時間。」

踏上全職運動員的路，Rico 並非自此一帆風順，反而，由U20 步入成年公開組後，他的成績卻停滯不前，甚至跑不到以前的時間。「U20 個陣嘅欄高係 0.990m，到咗公開組之後提高到 1 米多，開頭係完全適應唔到，我個陣好困擾，點解外國嘅運動員可以適應到呢個改變但係自己就停滯不前，甚至比以前更慢，曾經懷疑過自己就只能係 0.990 米，已經達到樽頸，係咪唔適合繼續跨欄。」 2023 年是 Rico 的低谷， Rico 曾因未能跨過第三四個欄跌倒，被迫DNF ，未能完成比賽「係我第一次完成唔到賽事」。但去年有多個大型賽事如亞運、世界大學生運動會等，Rico 必須爭取到出賽的資格，迫使他在低迷的狀態下仍需不斷出賽，形成一個惡性循環：「個陣係好大壓力，兩個禮拜內飛左三個地方，台灣、重慶、四川，參加唔同嘅賽事，但係未跑已經知道自己狀態咁差，唔會跑到好成績，去到最後一站，係比賽個朝真係有諗過唔跑，但係諗到，嚟都嚟咗，跑埋佢啦。完咗賽之後，我係情緒崩潰左，打電話畀教練忍唔住大喊出嚟。」

那場比賽過後，Rico 決定給自己放了一個兩星期的「假期」，完全放空，不做任何訓練，不想任何有關比賽或田徑的事，專心陪家人、去海灘放空休息，調整心態，打破緊崩的惡性循環。暫時放下，調整過後，Rico 反而在其後的世大運中跑出自己 PB 個人最佳成績。經歷過低谷後，Rico 更體會到要堅持下去，最重要的是享受自己正在做的事，「我宜家好享受跨欄帶畀我嘅快樂，堅持快樂，先可以行得更遠。」Rico 在今年早前的香港錦標賽跑出 13.77秒的個人最佳時間，離香港紀錄 13.74 秒只有 0.03 秒的距離，「現時嘅目標係打破香港紀錄，等自己有更多機會跑更大型嘅比賽。」

特別鳴謝：

香港大學何鴻燊體育中心提供場地協助拍攝。