我們的堅持 2 ： 棒球運動員 Kenneth 趙嗣淦

趙嗣淦 Kenneth，在香港棒球界無人不識的名字：香港首名職業棒球員、香港投球速度最快的投手，曾帶領港隊創下亞洲賽第六的史上最佳成績。現年 33 歲的 Kenneth，接觸棒球已達 27 年之久，雖然 Kenneth 在去年杭州亞運後便宣佈退役，但棒球已成為他人生不可分割的一部份。究竟堅持一項運動 27 年之久是一項甚麼概念？
‍

因為「靚姐姐」開展了棒球人生

棒球在香港不算是一項熱門項目，相比起美國、日本的職業棒球賽，香港目前只有四支棒球隊，每年棒球聯賽亦只有數場比賽，但 Kenneth 早在小學生時便開始接觸棒球：「個陣我得六歲，係哥哥帶我第一次去打棒球，同一個好靚嘅姐姐一齊學，就開始咗打波。」當初只是機綠巧合，想不到棒球自此便成為了 Kenneth 生活的一部份。「你問我點解咁鍾意棒球，我一時間真係諗唔到個答案，因為一早已經成為我生活嘅一部份，好似食飯、瞓覺咁自然。」

中學畢業後，Kenneth 升讀美國威斯康辛大學，加入了學校的棒球隊，不論在技術、能力及對待棒球的認真程度都令他大開眼界，便種下了日後成為職業棒球員的種子。畢業回港後，在教練的引薦下有機會到捷克加盟當地的職業棒球隊，Kenneth 便在 25 歲時簽約成為香港史上首個職業棒球員： 「個陣自己一個去到捷克打職業賽係因為香港從來都無人做過職業棒球員，亦都無人覺得係可行，但係我相信可以，所以我就去證明畀人哋睇可以做得到。」因為不服輸，Kenneth 便開始了他的職業棒球員生涯，先後效力捷克、德國、澳洲的職業隊。「無論係心態上、技術上，以及對待球賽嘅觀感都進步咗好多，職業聯賽比起香港係另一個層次。」Kenneth 特別強調對待球賽的心態令他獲益良多：「我哋由細細個已經被灌輸一個概念，就係要好嚴肅好認真好循規蹈矩咁去完成每一場比賽，但係我哋缺少咗享受比賽嘅呢個環節。」 

突如其來的「HOME Run」

得著之外，Kenneth 亦因為職業球員犧牲了很多，「失去得最多嘅係同屋企人同心愛嘅人一齊嘅時間」。提起這段經歷 Kenneth 有點黯然。當時他的妻子沒有告訴他經已懷孕，直至他在飛往澳洲的航班上方被告知，以免他放棄效力澳洲職業隊的機會；但其後卻傳來妻子流產的消息，他得知後沒有多想，一星期來便動身回到香港，並沒有完成澳洲職業隊的合約。「我當時無猶豫，我嘅屋企人已經為我嘅棒球夢放棄咗好多，係時間要返屋企，為佢哋做番啲嘢。」由香港出發，經過三地捷克、德國、澳洲，彷如跑過三壘，最後 Home Run 回港，雖然最後一壘來得有點突然，但 Kenneth 表示從不後悔。

‍

在港延續棒球夢 

回到香港後， Kenneth 繼續彵的棒球夢，多次帶領香港隊出戰不同的亞洲賽事，取得香港棒球隊亞洲第六的史上最佳成績。他坦言道「能夠同一項運動可以堅持 27 年係因為有班好兄弟，個 bonding 好強，27 年嚟嘅時間過得好快好開心。」去年杭州亞運後，Kenneth 決定卸甲退役，雖然未能在最後一屆亞運為港隊創下更佳的成績，但他仍然覺得他為港隊披甲的最後一戰最難忘：「亞運最後一戰我哋係輸咗，但係我個日表現得好好，我會話呢個結局唔完美但無遺憾。」

卸下港隊投手後對 Kenneth來說是人生下半場的開端，他申請了奧委會退役運動員獎學金計劃，攻讀香港恒生大學創業管理學碩士課程，最後連續兩年入列入Dean List 並以 Distinction 優異成績畢業。被問到為何會有讀碩士的課程，Kenneth 笑說道：「因為想文武雙全，毫無破綻。 講笑啫，事實上係想學習作為一個創業家要具備啲咩條件同知識。」創業亦與棒球分不開，Kenneth 創辦了兩間室內棒球館，用作訓練年青棒球員，專項訓練某些技術，為香港球隊及港隊提供更多更好的「苗」日後服務港隊。「宜家有好多嘢都想做，彌補番之前作為職業棒球員的時間，無論係創業定做幕前，緣份到就會再去學。」 

‍