我們的堅持 7 ：籃球運動員梁嘉顯

Oct 21, 2024

香港

梁嘉顯，職業籃球員，現時效力東方籃球隊，司職得分後衞，即「射手」。籃球對嘉顯來說，不單只是運動，更是職業，及改變他人生的轉捩點，成就了他的家庭，教會了他要珍惜。

嘉顯早在中一大概十二三歲的時候打籃球，當時家住秀茂坪的屋邨，而拍攝當天的籃球場正正是嘉顯最初接觸籃球，每天打波的發跡地：「初初接觸籃球個陣真係乜都唔識，係每日落嚟呢個最近屋企嘅球場到打下波、射下波，而個陣都係爸爸每日陪我落嚟，有時會教下我點打、幫我執下波，就算到咗宜家爸爸都會盡量抽時間睇我每一場比賽。」

嘉顯作為職業籃球員的生涯亦非一帆風順，去年代表的球隊輸了甲一比賽，嘉顯便亦田因此懷疑自己是否適合繼續走職業籃球員的路：「我記得上年甲一比賽，輸咗波贏唔到冠軍，我自己嘅發揮係好差，個陣都有諗過自己已經打咗三四年職業球員，但係出嚟個結果自己又唔收貨，球隊又贏唔到冠軍；個陣就會質疑自己係咪真係適合繼續行落去。好彩個陣遇到我宜家嘅教練，佢無論係球場內外都花時間同我傾咗好多，教我點樣去改善，而自己都做咗好多功夫去調整，每日打完波返屋企，都會拎本簿仔出嚟，寫低自己有啲咩做得好、做得唔好，慢慢改變自己嘅習慣。」慢慢重拾自己的自信。

籃球與家庭對嘉顯來說是最重要的存在：「籃球係改變咗我嘅人生，細個個陣我係好曳嘅小朋友，好任性、坐唔定，到一路慢慢接觸籃球，遇到更加多嘅隊友，慢慢由一個好曳嘅小朋友到越嚟越定性，宜家我有自己嘅家庭、事業，作為職業籃球員，我屋企人亦都好 proud of 我作為籃球員的身份。」在訪問中，嘉顯不斷提及他的家人，每次都會露出會心的微笑：笑著說喜歡湊女多於打波；連被問及最滿意身體的部份是眼睛時，都因為他的太太經常妒忌他的眼睫毛很長；訪問完畢後，亦急著回家與屋企人食早餐。

嘉顯身上有很多紋身，每一個都有它的故事，而每個故事都與他的家人有關：他慢慢地將身上每一個紋身的故事娓娓道來：左手前臂的貓頭鷹代表他的爸爸，在貓頭鷹圖案中隱藏了爸爸的名字「楠」；左手上臂紋了兩條鯨魚，是他與他的太太，中間在海上升起的日出則代表他們女兒；還有代表與哥哥一起養的貓以及已逝去老師的紋身；右臂上「Home is where the heart is 」的圖案、以及「珍惜」二字則時刻提醒著他要珍惜家人與打籃球的時間，從嘉顯身上看到家庭在他心中的地位，亦是令他堅持下去的原動力。