我們的堅持 9 ：足球員 Poon Pui 潘沛軒

‍

人稱「潘沛」的潘沛軒，香港職業足球員，效力傑志，同時亦為香港隊前鋒，去年亞運港隊對戰伊朗，在被看低一線的情況下，潘沛射入全場唯一一個入球，一箭定江山，以一比零擊敗伊朗，歷史性帶領港隊打入亞運四強。潘沛出生於足球世家，其父親潘文俊更是香港名宿，曾代表港隊在日本隊手中攻入歷史性一球，潘沛自小便視爸爸為偶像，立志成為職業足球員。

潘沛四五歲開始便開始接觸足球，跟隨爸爸踢波、在場邊看他教波，足球員在球場上輝煌的姿態深深地吸引了他，在耳濡目染之下，潘沛自小便立志要跟隨爸爸的步伐日後成為職業足球員。但出身自足球世家，亦是潘沛壓力的來源，在最初成為職業足球員的時候，他的實力受到外界的質疑，一直活在父親潘文俊的陰影中：「細個個陣見到好多網上嘅評論，都會好唔開心、好沮喪，自己揹住「潘文俊個仔」呢個名，背負住好多嘢」。面對壓力與外界的評論，潘沛將壓力轉化成他堅持下去的動力：「之後成長咗，係足球圈打滾多幾年，我開始反思要令到人改變對我嘅諗法，先要令自己更加強大。我好想話畀人知，我唔係淨係叫「潘文俊個仔」，唔係因為我爸爸先至識得我；我希望係調番轉講，「潘文俊係潘沛軒嘅爸爸」。用自己嘅實力去證明，畀人識得我。」

‍

‍

潘沛的職業生涯亦非一帆風順，十六、七歲開始簽第一份職業球員合約，開始時只能擔任後備，沒有上場的機會，更遇上被球會欠薪、拖糧，連生計都出現問題：「個陣時日頭要練波，夜晚要搵食去做兼職搬貨，我好記得搬嘅就係圓方戲院啲凳，每晚一板一板咁係貨車到搬啲凳入戲院，仲記得好重，好辛苦，搬到凌晨兩三點，到第二朝又要起身練波。個陣我都有質疑過自己適唔適合繼續做職業足球員，有好多問號。」感恩的是，潘沛的家人給予了他很多鼓勵，堅持下去造就了今天更強大的潘沛，而他的努力亦被現時傑志的班主，潘沛口中的「Ken 哥」伍健先生所賞識，招攬他加入了傑志，令潘沛有今天的成就。

‍

‍

潘沛的成名作在去年的杭州亞運會，在八強賽撕破伊朗的大門，攻入全場唯一一個入球，令香港隊歷史性打入亞運足球四強，潘沛直言這球入球對他的意義很大，是他人生以來最重要的一球入球，不單只是對他個人而言，而是對整隊港隊：「呢球波唔係得我一個人得番嚟，係成條 team 、同成個教練團隊一齊努力得番嚟嘅成果。個陣係好感觸，可以為香港創下歷史，幫香港出一份力同係呢個年紀可以回饋到香港。」

‍

‍

潘沛視現時效力熱刺的韓國前鋒孫興慜為偶像，潘沛的招牌「影相」動作亦是向孫興慜致敬，被問及最希望對哪隊交手對戰，潘沛直言：「我最想對熱刺，因為可以同偶像孫興慜踢波、傾偈、交換球衣，我好欣賞孫興慜因為佢好努力，可以憑努力而成為亞洲首席射手。」潘沛很欣賞努力堅持的特質，被問及在漫畫【火影忍者】最喜歡的角色他毫不猶豫便回答是鳴人：「因為鳴人一直都好努力，細個無人睇好，憑自己嘅努力做到火影。」潘沛相信凡事都有可能，不論在足球場上或是在職場上，只要堅持唔好放棄，任何事都都有可能發生。「嚟緊我想見識世界各地嘅足球，做一啲人哋覺得暫時未能夠做到嘅嘢，好似成為香港第一個踢泰超嘅球員。」

‍

‍